ஜகார்த்தா: இந்தோனேஷிய பாட்மின்டன் 2வது சுற்றில் இந்தியாவின் சாத்விக், சிராக் ஜோடி தோல்வியடைந்தது.
இந்தோனேஷியாவில், மாஸ்டர்ஸ் 'சூப்பர் 500' பாட்மின்டன் தொடர் நடக்கிறது.
இதன் ஆண்கள் இரட்டையர் பிரிவு 2வது சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி, தாய்லாந்தின் கிட்டினுபோங் கெட்ரென், டெச்சபோல் ஜோடியை சந்தித்தது.

இதில் ஏமாற்றிய சாத்விக், சிராக் ஜோடி 20-22, 21-23 என்ற நேர் செட் கணக்கில் போராடி தோல்வியடைந்தது.
ஆண்கள் ஒற்றையர் பிரிவு 2வது சுற்றில் இந்தியாவின் லக்சயா சென், ஜப்பானின் கென்டா நிஷிமோடோ மோதினர். இதில் லக்சயா சென் 16-21, 21-12, 21-23 என போராடி வீழ்ந்தார்.
கலப்பு இரட்டையர் 2வது சுற்றில் துருவ் கபிலா, தனிஷா கிராஸ்டோ ஜோடி 21-18, 15-21, 19-21 என மலேசியாவின் பாங் ரான் ஹோ, சு யின் செங் ஜோடியிடம் தோல்வியடைந்தது.