சென்னை: இரண்டாவது 'டி-20' போட்டியை காணண சென்னை ரசிகர்கள் காத்திருக்கின்றனர்.
இந்தியா வந்துள்ள இங்கிலாந்து அணி 5 போட்டி கொண்ட 'டி-20' தொடரில் பங்கேற்கிறது. கோல்கட்டாவில் நடந்த முதல் போட்டியில் இந்தியா வென்றது. இரண்டாவது 'டி-20' போட்டி, நாளை சென்னை, சேப்பாக்கம் மைதானத்தில் நடக்க உள்ளது. இதற்காக இரு அணி வீரர்களும் நேற்று சென்னை வந்தனர். இன்று பயிற்சியில் ஈடுபட உள்ளனர்.
7 ஆண்டுக்குப் பின்...
சென்னை சேப்பாக்கம் மைதானத்தில் இந்திய அணி 2012ல் முதல் 'டி-20' போட்டியில் பங்கேற்றது. இதில் இந்தியா (166/4), நியூசிலாந்திடம் (167/5) தோற்றது. 2018ல் இங்கு நடந்த போட்டியில் வெஸ்ட் இண்டீசை (181/3), 6 விக்கெட் வித்தியாசத்தில் இந்தியா (182/4) வீழ்த்தியது. இங்கு இங்கிலாந்துக்கு எதிராக முதல் முறையாக 'டி-20' போட்டியில் விளையாட உள்ளது.