கரூர்-கோவை சாலை சேதம்: வாகன ஓட்டிகள் கடும் அவதி


கரூர், :கரூர்-கோவை சாலையில் தனியார், அரசு பள்ளிக்கூடங்கள், ஓட்டல்கள், டீ கடைகள், கூட்டுறவு வங்கி மற்றும் ஏராளமான வர்த்தக நிறுவனங்கள் உள்ளன. இதனால், கோவை சாலை பிரிவு முனியப்பன் கோவில் பகுதியில், போக்குவரத்து சீராக செல்ல பல மாதங்களுக்கு முன், வேகத் தடை அமைக்கப்பட்டது.
தற்போது, வேகத்தடையையொட்டியுள்ள சாலை, சேதமடைந்துள்ளது. அதை, நெடுஞ்சாலை துறை அதிகாரிகள் மற்றும் கரூர் போக்கு வரத்து போலீசார் கண்டு கொள்ளாமல் உள்ளனர். இதனால், அந்த பகுதியில் அடிக்கடி போக்குவரத்து நெரிசல் மற்றும் சிறிய அளவிலான விபத்து ஏற்படுகிறது.
எனவே, கரூர்-கோவை சாலை முனியப்பன் கோவில் அருகே, வேகத்தடை பகுதியில், சேதமடைந்த சாலையை, உடனடியாக சரி செய்ய நடவடிக்கை எடுக்க வேண்டியது அவசியம்.