கடலுார்; கடலுார் அரிஸ்டோ பப்ளிக் பள்ளியின் ஆண்டு விளையாட்டு விழா பள்ளி வளாகத்தில் நடந்தது.

விழாவிற்கு பள்ளி நிறுவனர் சொக்கலிங்கம் தலைமை தாங்கினார். தாளாளர் கஸ்துாரி முன்னிலை வகித்தார். அர்ஜுனா விருதுபெற்ற தடகளவீரர் ஆரோக்யா ராஜீவ், சிறப்பு விருந்தினராக பங்கேற்று மாணவர்களுக்கு பரிசுகளை வழங்கி சிறப்புரையாற்றினார். பள்ளி முதல்வர் மதுர பிரசாத் பாண்டே, பள்ளி ஆண்டறிக்கை வாசித்தார். பள்ளியின் தலைவர் சிவக்குமார், லட்சுமி, நிர்வாக அதிகாரி சிவராஜ் வாழ்த்துரை வழங்கினார். மாணவர்களின் அணிவகுப்பு மற்றும் கலைநிகழ்ச்சிகள் நடந்தது.பள்ளி ஒருங்கிணைப்பாளர்கள், ஆசிரியர்கள், பெற்றோர், மாணவர்கள் உட்பட ஏராளமானோர் விழாவில் பங்கேற்றனர்.