திருப்பூர்: கரூர் - திருச்சி மார்க்கமாக செல்லும் ரயில்கள் வழித்தடம் நாளை மாற்றப்பட்டுள்ளது.

கரூர் - திருச்சி ரயில் வழித்தடத்தில், வீரராக்கியம் ரயில்வே ஸ்டேஷனில் பொறியியல் பணி நடக்கிறது. இதனால், நாளை (7ம் தேதி) பாலக்காடு டவுன் - திருச்சி எக்ஸ்பிரஸ் (எண்:16844) கரூர் வரை மட்டுமே இயக்கப்படும்.

மயிலாடுதுறை - சேலம் ரயில் (எண்:16811) வீரராக்கியம் ஸ்டேஷனுடன் நிறுத்தப்படும். மறுமார்க்கமாக சேலத்துக்கு பதிலாக கரூரில் இருந்து மயிலாடுதுறைக்கு ரயில் புறப்படும்.