ஆண்டிபட்டி : சக்கம்பட்டி, டி.சுப்புலாபுரம் பகுதியில் செயல்படும் கைத்தறி நெசவாளர் கூட்டுறவு சங்க உறுப்பினர்களுக்கு தறி உபகரணங்கள் வழங்க ஏற்பாடுகள் நடந்து வருகிறது.

இப்பகுதியில் செயல்படும் 7 கைத்தறி நெசவாளர் கூட்டுறவு சங்கங்களில் 500க்கும் மேற்பட்ட உறுப்பினர்கள் உள்ளனர்.

இவர்களில் தற்போது இரு நூறு நெசவாளர்கள் மட்டும் அரசின் இலவச சேலை உற்பத்தி செய்கின்றனர்.

இலவச சேலை உற்பத்தியில் இந்த ஆண்டுக்கான உற்பத்தி திட்டம் இன்னும் அரசு வழங்கவில்லை.

இந்நிலையில் தற்போது செயல்பாட்டில் உள்ள கைத்தறி நெசவாளர் கூட்டுறவு சங்க உறுப்பினர்களுக்கு ரூ.4000 மதிப்பிலான அச்சு, விழுது உள்ளிட்ட தறி உபகரணங்கள் வழங்குவதற்கான ஏற்பாடுகள் நடந்து வருகிறது.

இன்னும் சில நாட்களில் இதற்கான பணிகள் துவங்கும் என்று கைத்தறி நெசவாளர் கூட்டுறவு சங்க அலுவலர்கள் தெரிவித்தனர்.