சென்னை: சென்னையில் இன்று (மார்ச் 04) 22 காரட் ஆபரணத் தங்கம் விலை சவரனுக்கு ரூ.560 உயர்ந்து ஒரு சவரன் ரூ.64,080க்கு விற்பனை செய்யப்படுகிறது.



தமிழகத்தில் கடந்த சில தினங்களாக தங்கம் விலை குறைந்து வருகிறது. பிப்.,27ம் தேதி சவரனுக்கு ரூ.320 சரிந்து, ஒரு சவரன் ரூ.64,080க்கு விற்பனை ஆனது. பிப்.,28ம் சவரனுக்கு ரூ.400 குறைந்து, ஒரு சவரன் ரூ.63 680க்கு விற்பனை செய்யப்பட்டது.


மார்ச்.,01ம் தேதி 22 காரட் ஆபரணத் தங்கத்தின் விலை சவரனுக்கு ரூ.160 சரிந்து ஒரு சவரன் ரூ.63,520க்கு விற்பனை செய்யப்பட்டது. மார்ச் 2ம் தேதி விடுமுறை என்பதால் மாற்றமில்லை. நேற்றும் தங்கம் விலை மாற்றமின்றி விற்பனை செய்யப்பட்டது.

இந்நிலையில் இன்று (மார்ச் 04) 22 காரட் ஆபரணத் தங்கம் விலை சவரனுக்கு ரூ.560 உயர்ந்து ஒரு சவரன் ரூ.64,080க்கு விற்பனை செய்யப்படுகிறது. அதன்படி ஒரு கிராம் ரூ.8,010க்கு விற்பனை செய்யப்படுகிறது. கடந்த சில தினங்களாக தங்கம் விலை தொடர்ந்து குறைந்து வந்த நிலையில் மீண்டும் உயர்ந்து நகைப்பிரியர்களுக்கு ஷாக் கொடுத்துள்ளது.