01. கனடா நாட்டைச் சேர்ந்த டொரன்டோ பல்கலை மேற்கொண்ட ஆய்வில் இஞ்சியில் உள்ள ஃபுரானோடைனோன் (Furanodienone) எனும் சேர்மம் குடல் அழற்சிக்கான சிகிச்சையில் உதவும் என்று கண்டறியப்பட்டுள்ளது.

02. பீட்டாக்ளுகன் (Beta-glucan) என்பது காளான் உள்ளிட்ட எல்லா பூஞ்சைகளிலும் காணப்படுகின்ற ஒரு சேர்மம். வைரஸ் காய்ச்சலால் ஏற்படும் நுரையீரல் நோய்களைச் சரிசெய்ய இந்தச் சேர்மம் உதவும் என்று கனடா நாட்டைச் சேர்ந்த எம்.சி. ஹில் பல்கலை ஆய்வாளர்கள் தெரிவித்துள்ளனர்.

03. பளபளப்பான உடலைக் கொண்ட சில காட்டுப் பறவைகள், சொர்க்கப் பறவைகள் (Bird of paradise) என்று அழைக்கப்படுகின்றன. முதல்முறையாக இந்தப் பறவைகளிடம் உயிரி ஒளிரும் தன்மை (Bio fluorescence) இருப்பதை விஞ்ஞானிகள் கண்டறிந்துள்ளனர்.

04. HD 20794 d என்பது நமது பூமியைப் போல 6 மடங்கு நிறையை உடைய கோள். 2011ஆம் ஆண்டே இந்தக் கோள் கண்டுபிடிக்கப்பட்டது. ஆனால் இதைப் பற்றிய தெளிவான தகவல்கள் இப்போதுதான் வெளிவருகின்றன. இந்தக் கோளில் உயிர்கள் வாழ்வதற்குச் சாதகமான சூழல் இருப்பதாக விஞ்ஞானிகள் யூகிக்கிறார்கள்.

05. பூமியிலிருந்து 2,400 ஒளியாண்டுகள் தொலைவில் உள்ளது சிக்னஸ் லூப் (Cygnus Loop) எனும் நெபுலா (வாயு, தூசுகளாலான மேகம் போன்ற அமைப்பு). இதன் ஒரு பகுதியான வெய்ல் நெபுலாவின் (Veil Nebula) அழகிய படத்தை ஹப்பிள் தொலைநோக்கி எடுத்துள்ளது.