விழுப்புரம்: காணை ஒன்றியத்தில், முதல்வர் பிறந்த நாளையொட்டி, நலத்திட்ட உதவிகள் வழங்கப்பட்டது.

தி.மு.க., விழுப்புரம் மத்திய மாவட்டம் சார்பில், கோனுார் ஊராட்சியில் நடந்த விழாவிற்கு, மாவட்ட பொருளாளர் ஜனகராஜ், மாநில ஆதிதிராவிடர் நலக்குழு இணை செயலாளர் புஷ்பராஜ், பொதுக்குழு உறுப்பினர் சம்பத், ஒன்றிய செயலாளர் கல்பட்டு ராஜா, ஒன்றிய சேர்மன் கலைச்செல்வி, மாவட்ட கவுன்சிலர் சிவக்குமார் முன்னிலை வகித்தனர்.

மாவட்ட பொறுப்பாளர் லட்சுமணன் எம்.எல்.ஏ., 720 பேருக்கு வேட்டி, சேலை உள்ளிட்ட நலத்திட்ட உதவிகளை வழங்கி, பேசினார்.

மாவட்ட விவசாய அணி துணை தலைவர் சுந்தரமூர்த்தி, மாவட்ட பிரதிநிதி செல்வம், நகர இளைஞரணி மணிகண்டன் உட்பட பலர் பங்கேற்றனர்.

தெளி மற்றும் வெங்கடேசபுரம் ஊராட்சிகளில் நடந்த விழாவில், எம்.எல்.ஏ., நலத்திட்ட உதவிகள் வழங்கினார்.

சேர்மன் கலைச்செல்வி, கவுன்சிலர் ஜெயா குமரன், கவுன்சிலர் தேவபூஷ்ணம் முருகன், மாவட்ட மகளிர் அணி சுமதி, கிளை செயலாளர் ராஜேஷ், மகளிர் அணி மஞ்சு, அவை தலைவர் தண்டபாணி உட்பட பலர் பங்கேற்றனர்.