பாப்பிரெட்டிப்பட்டி: பாப்பிரெட்டிப்பட்டி அடுத்த பொம்மிடி பஸ் ஸ்டாண்டில், எம்.எல்.ஏ., தொகுதி மேம்பாட்டு நிதியிலிருந்து, 50 லட்சம் ரூபாய் மதிப்பில் மேற்கூரை அமைக்கப்பட்டது. இதை மக்கள் பயன்பாட்டிற்கு எம்.எல்.ஏ.,க்கள் பாப்பிரெட்டிப்பட்டி கோவிந்தசாமி, அரூர் சம்பத்குமார் முன்னிலையில், முன்னாள் அமைச்சர்கள் அன்பழகன், மாபா பாண்டியராஜன் ஆகியோர் ரிப்பன் வெட்டி திறந்து வைத்தனர்.

தொடர்ந்து, பாப்பிரெட்டிப்பட்டி மேற்கு ஒன்றியம் துரிஞ்சிப்பட்டி, கடத்துார் கிழக்கு ஒன்றியம் மணியம்பாடியில் நடந்த, அ.தி.மு.க., ஓட்டுச்சாவடி முகவர்கள் ஆலோசனை கூட்டத்தில் ஆலோசனை வழங்கினர். நிகழ்ச்சியில் மாநில விவசாய பிரிவு தலைவர் அன்பழகன், மாவட்ட துணை செயலாளர் ராஜேந்திரன் மற்றும் நிர்வாகிகள் கலந்து கொண்டனர்.