கலிபோர்னியா: கலிபோர்னியாவில் 'மான்கிரம் இன்விட்டேஷனல்' தடகள போட்டி நடந்தது. கடந்த ஆண்டு பாரிஸ் ஒலிம்பிக்கில் 5000 மீ., ஓட்டத்தில் பங்கேற்ற இந்திய வீராங்கனை அங்கிதா தயானி, இம்முறை 3000 மீ., ஓட்டத்தில் பங்கேற்றார்.
இவர், 9 நிமிடம் 44.05 வினாடி நேரத்தில் வந்து, முதலிடம் பிடித்தார். தவிர, தனது முந்தைய நேரத்தை விட, 9 வினாடி குறைவாக கடந்து அசத்தினார். கடந்த மாதம் தேசிய விளையாட்டில் அங்கிதா 9 நிமிடம், 53.63 வினாடி நேரத்தில் ஓடினார்.
இதையடுத்து தென் கொரியாவில் நடக்கவுள்ள ஆசிய தடகள சாம்பியன்ஷிப் (மே 27-31) தொடரில் பங்கேற்க தகுதி பெற்றார்.