சென்னை, மாநகராட்சியில், 2,123 கோடி ரூபாய் சொத்துவரி வசூலாகியுள்ளது. இது, கடந்தாண்டை விட, 100 கோடி ரூபாய் அதிகம்.

மாநகராட்சி வருவாய் அலுவலர் பானு சந்திரன் கூறியதாவது:

சென்னை மாநகராட்சியில், 2022 -23ம் நிதியாண்டில், 1,572.84 கோடி ரூபாய்; அடுத்தடுத்த நிதியாண்டில், 1,755.95 கோடி ரூபாய்; 2,023 கோடி ரூபாய் என்ற அளவில் சொத்து வரி வசூலானது.

அதேபோல், 2024 - 25 முதல் அரையாண்டில், 879 கோடி ரூபாய் வசூலிக்கப்பட்டது. பல்வேறு நடவடிக்கைகள் எடுத்ததன் விளைவாக, இரண்டாம் அரையாண்டில், 1,244 கோடி ரூபாய் வசூலிக்கப்பட்டுள்ளது.

மாநகராட்சி வரலாற்றில் முதன் முறையாக, 2,123 கோடி ரூபாய் சொத்துவரி வசூலிக்கப்பட்டு உள்ளது. கடந்தாண்டை விட, 100 கோடி ரூபாய் அதிகம்.

இவ்வாறு அவர் கூறினார்.