ஆரணி:திருவண்ணாமலை மாவட்டம், ஆரணி அடுத்த சதுப்பேரிபாளையம் விவசாயி மேகநாதன் மகள் மோனிஷா, 15. அதே பகுதி அண்ணாமலை மகள் சிவரஞ்சனி, 15. இருவரும் ஆரணி, தச்சூர் மேநிலைப்பள்ளியில், பத்தாம் வகுப்பு படித்தனர்.

இன்று, ஆங்கில பொதுத்தேர்வு நடப்பதால், நான்கு மாணவியர் சேர்ந்து, நேற்று மதியம், 1:00 மணியளவில், அப்பகுதி வயல்வெளியில் அமர்ந்து படித்தனர்.

அப்போது, மோனிஷா, சிவரஞ்சனி அங்குள்ள கிணற்றில் குளிக்க இறங்கினர். சேரும், சகதியுமாக இருந்த கிணற்றில் சிக்கி தவித்தனர்.

உடனிருந்த, மற்ற மாணவியர் கூச்சலிட்டதில், அக்கம்பக்கத்தினர் மாணவியரை மீட்க முயன்றும் முடியவில்லை. ஆரணி தீயணைப்பு துறையினர் இருவரையும் சடலமாக மீட்டனர். களம்பூர் போலீசார் விசாரிக்கின்றனர்.