மும்பை: இந்திய அணிக்காக விளையாட வேண்டும் என்ற கனவில் உள்ளார் சாய் சுதர்சன்.
தமிழக வீரர் சாய் சுதர்சன் 23. பிரிமியர் தொடரில் குஜராத் அணிக்காக விளையாடுகிறார். முதல் 3 போட்டியில் 2 அரைசதம் உட்பட 186 ரன் (சராசரி 62.00) எடுத்துள்ளார்.
இவர் கூறியது:
குஜராத் அணி பயிற்சியாளர் ஆஷிஷ் நெஹ்ரா, கேப்டன் சுப்மன் கில் என இருவரும், சுதந்திரமாக செயல்பட அனுமதிக்கின்றனர். எனது திட்டத்தில் தலையிடுவது இல்லை. அதேநேரம், எது சிறந்தது, சூழ்நிலைக்கு ஏற்ப எப்படி செயல்பட வேண்டும், எந்தெந்த இடத்தில் முன்னேற்றம் தேவை என 'அட்வைஸ்' செய்வர். ஒருவேளை தவறு செய்தாலும் பெரியதாக கண்டு கொள்வதில்லை.
பொதுவாக தேசத்திற்காக விளையாட வேண்டும் என்பது எல்லோரது கனவாக இருக்கும். இதை நிறைவேற்ற பிரிமியர் கிரிக்கெட் நல்ல தளமாக திகழ்கிறது. இதில் சிறப்பாக செயல்பட்டால், தேசத்திற்காக பங்கேற்க வாய்ப்பு கிடைக்கும்.
இவ்வாறு சாய் சுதர்சன் கூறினார்.