கடலுார் : கடலுார் அருகே வழிபறியில் ஈடுபட்ட ரவுடியை என்கவுண்டர் செய்த எஸ்.பி.,க்கு மாவட்ட கனரக லாரி உரிமையாளர்சங்கம் பாராட்டு தெரிவித்துள்ளது.

விழுப்புரம்-நாகப்பட்டினம் 4 வழிச்சாலையில் கடந்த 2ம் தேதி 3 இடங்களில் லாரி டிரைவர்களிடம் வழிப்பறியில் ஈடுபட்ட ரவுடிகளை உடனடியாக பிடிக்க எஸ்.பி., ஜெயக்குமார் உத்தரவிட்டார்.

அதன்படி போலீசாரின் தீவிர வேட்டையில் 6 பேர் சிக்கினர்.இச்சம்பவத்திற்கு தலைவனாக செயல்பட்ட விஜய் (எ) மொட்டை விஜய்,19; என்கவுன்டர் செய்யப்பட்டார். என்கவுன்டர் சம்பவம் எதிர்காலத்தில் நெடுஞ்சாலைகளில் செல்லும் வாகன ஓட்டுனர்களுக்கு தைரியத்தை ஏற்படுத்தும் விதமாக உள்ளது.

இதற்காக எஸ்.பி., ஜெயக்குமாரை, மாவட்ட கனகர லாரி உரிமையாளர் சங்க ஒருங்கிணைப்பாளர் இளஞ்சூரியன், செயலாளர் வெங்கடேஷ், பொருளாளர் மகேஷ் ஆகியோர் சந்தித்து பாராட்டினர்.