'டாடா மோட்டார்ஸ்' நிறுவனம், 'கர்வ் டார்க் எடிஷன்' என்ற கருப்பு எடிஷன் காரை அறிமுகம் செய்துள்ளது. இதற்கு முன், 'ஹாரியர்', 'நெக்ஸான்' மற்றும் 'சப்பாரி' கார்கள், இந்த எடிஷனில் வந்தன. இது, 'ஸ்டாண்டர்ட்' மாடல் காரை விட, 32,000 ரூபாய் அதிகம்.

இந்த எடிஷன், 'அக்கம்ப்ளிஷ்ட்' என்ற உயர்ந்த மாடல் காருக்கு மட்டுமே வந்துள்ளது. இதில், 1.2 லிட்டர் ஜி.டி.ஐ., டர்போ பெட்ரோல் மற்றும் 1.5 லிட்டர் டீசல் ஆகிய இரு இன்ஜின்கள் வழங்கப்படுகின்றன. இரு இன்ஜின்களுக்கும், 6 - ஸ்பீடு மேனுவல் மற்றும் 7 - ஸ்பீடு டூயல் கிளட்ச் ஆட்டோ கியர் பாக்ஸ் வழங்கப்படுகின்றன.

கிரில் மற்றும் அலாய் சக்கரங்கள் உட்பட சில இடங்களில் குரோம் அலங்காரம் வந்துள்ளன. மற்ற படி, காரின் உட்புறம் மற்றும் வெளிப்புறம், முழு கருப்பு நிறத்தில் வருகிறது. இந்த காரின் விலை, 16.49 லட்சம் முதல் 19.20 லட்சம் ரூபாய் வரை உள்ளது.