'மாருதி சுசூகி' நிறுவனம், அதன் 'கிராண்ட் விட்டாரா' எஸ்.யூ.வி., காரை மேம்படுத்தி, அறிமுகம் செய்துள்ளது. இதன் அணிவகுப்பில் புதிய மாடல் சேருவதோடு, கூடுதல் அம்சங்கள் வழங்கப்படுகின்றன.

வெளிப்புற மாற்றங்கள் எதுவும் இல்லை. ஆனால், உட்புறத்தில், எலக்ட்ரானிக் சீட்கள், காற்றை சுத்தப்படுத்தும் ஏர் பியூரிபையர், எல்.இ.டி., கேபின் லைட்டுகள், வெயிலின் தாக்கத்தை குறைக்க 'சன் ஷேட்' வசதி ஆகியவை கூடுதல் அம்சங்களாக சேர்க்கப்பட்டுள்ளன.

ஆறு காற்று பைகள், அடிப்படை அம்சமாக மாற்றப்பட்டுள்ளன. ஆல் வீல் டிரைவ் அமைப்பு உள்ள கார்களில் 5 ஸ்பீடு மேனுவல் கியர் பாக்ஸ்க்கு பதிலாக, 6 - ஸ்பீடு ஆட்டோ கியர் பாக்ஸ் வழங்கப்படுகிறது. இதில், எலக்ட்ரானிக் பார்க்கிங் பிரக் வருகிறது.

'டெல்டா பிளஸ்' என்ற புதிய ஹைபிரிட் மாடல் அறிமுகப்படுத்தப்பட்டுள்ளதால், விட்டாரா ஹைபிரிட் காரின் ஆரம்ப விலை, 17 லட்சம் ரூபாயாக குறைந்துள்ளது. இந்த கார், 1.5 லிட்டர், 4 சிலிண்டர், என்.ஏ., மற்றும் 1.5 லிட்டர், 3 சிலிண்டர், ஸ்ட்ராங் ஹைபிரிட் என இரு பெட்ரோல் இன்ஜிகளில் வருகிறது.