உத்திரமேரூர்:உத்திரமேரூர் ஒன்றியம், காக்கநல்லூர் கிராமத்தில் அமைந்துள்ள கருமாரியம்மன் மற்றும் சக்தி விநாயகர் கோவில்களில், நேற்று, கும்பாபிஷேகம் வெகு விமரிசையாக நடந்தது.

முன்னதாக, காலை 8:00 மணிக்கு கணபதி ஹோமம், நவக்கிரஹ ஹோமம் ஆகியவை நடந்தது. தொடர்ந்து, 9:00 மணிக்கு பூமி சுத்தி பூஜை நடந்தது. பின், 10:00 மணிக்கு யாக சாலையில் இருந்து பூஜிக்கப்பட்ட நீரை, கோபுர கலசங்களின் மீது ஊற்றி கும்பாபிஷேகம் செய்யப்பட்டது.

இதையடுத்து, கருமாரியம்மன் மற்றும் சக்தி விநாயகருக்கு சிறப்பு அபிஷேகம், தீபாராதனை நடந்தது. பின், சிறப்பு அலங்காரத்தில் பக்தர்களுக்கு அருள்பாலித்தனர். விழாவில் சுற்றுவட்டார கிராமத்தினர் பங்கேற்றனர்.