திருவனந்தபுரம்:திருவனந்தபுரத்தில் வீட்டு மொட்டை மாடியில் கஞ்சா செடி வளர்த்ததாக மத்திய அரசு அதிகாரி ஒருவரை கலால் துறையினர் கைது செய்தனர்.

கேரள மாநிலம் திருவனந்தபுரம் அருகே கமலேஸ்வரம் பகுதியில் உள்ள ஒரு வீட்டில் கஞ்சா செடி வளர்க்கப்படுவதாக கிடைத்த தகவலை தொடர்ந்து கலால் துறையினர் சோதனை நடத்தினர். மத்திய அரசின் தணிக்கை துறை அலுவலகத்தில் பணிபுரியும் மூன்று அதிகாரிகள் ஒரு வீட்டில் வாடகைக்கு வசித்து வருகின்றனர். அந்த வீட்டில் கலால் துறையினர் சோதனை நடத்திய போது எதுவும் சிக்கவில்லை. மொட்டை மாடிக்கு சென்ற போது அங்கு ஒரு தொட்டியில் கஞ்சா செடி வளர்க்கப்பட்டு வந்தது தெரிய வந்தது.

மூன்று பேரிடமும் விசாரணை நடத்தினர். இதில் மத்திய உதவி கணக்கு தணிக்கை அதிகாரி ஜிதின் என்பவர்தான் கஞ்சா வளர்த்தது தெரியவந்தது. அவரை கலால் துறையினர் கைது செய்தனர்.