வாழப்பாடி:
வாழப்பாடி சுற்றுவட்டார பகுதிகளில், கடந்த, 11ல் மழை பெய்தபோது, 6 மணி நேரம் மின்தடை ஏற்பட்டது. தொடர்ந்து, 14ல் வாழப்பாடியில் லேசான மழை பெய்தபோது, 4 மணி நேரம் மின்தடை ஏற்பட்டது. இரு நாட்களாக விட்டு விட்டு ஒரு மணி நேரம் வரை மின்தடை ஏற்பட்டது.
நேற்று மதியம், 3:00 மணிக்கு, வாழப்பாடி சுற்றுவட்டார பகுதியில் மிதமான மழை பெய்தது. அப்போது மதியம், 3:00 முதல், 4:00 மணி வரை மின்தடை ஏற்பட்டது. இதனால் மக்கள் தொடர்ந்து அவதிக்குள்ளாகி வருகின்றனர்.
இதுகுறித்து வாழப்பாடி மின்வாரிய உதவி செயற்பொறியாளர் பெரியசாமி கூறுகையில், ''தற்போது காற்று, மழையால், மட்டைகள் மின்கம்பி மீது விழுந்து, மின்தடை ஏற்படுகிறது. உடனே சீரமைப்பு பணி மேற்கொள்ளப்
படுகிறது,'' என்றார்.