கிருஷ்ணகிரி:
கிருஷ்ணகிரி மாவட்டம், பர்கூர் தாலுகா கொண்டப்பநாயன பள்ளி கிராமத்தில், வீரபத்திர சுவாமி கோவில் கும்பாபிேஷகம் விழா நேற்று நடந்தது. இதையொட்டி கடந்த 16ல், கணபதி பூஜை, வாஸ்து பூஜை, கணபதி ஹோமம், வாஸ்து ஹோமம் நடந்தது. 17ல், யாகசாலை, முதல்கால பூஜை, கலச பிரதிஷ்டை, பூரண கும்பம் பிரதிஷ்டை, கணபதி ஹோமம், நவகிரக ஹோமம், தீபாராதனை, தீர்த்தப்பிரசாதம் வழங்குதல் ஆகியவை நடந்தது.
நேற்று காலை, 4:00 மணிக்கு, கணபதி ஹோமம், வேத பாராயணம், 108 வகை மூலிகை ஹோமங்கள், பிராணப் பிரதிஷ்டை, நாடிசந்தானம், ருத்ர ஹோமம், தீபாராதனை, கலசங்கள் புறப்பாடும், வீரபத்திர சுவாமி கோவில் கோபுர கலசத்திற்கு புனித நீர் ஊற்றி
கும்பாபிேஷகம் நடந்தது.
தொடர்ந்து, வீரபத்திர சுவாமிக்கு சிறப்பு அபிேஷகம், ஆராதனை, சிறப்பு பூஜை மற்றும் அலங்காரம் ஆகியவை நடந்தது. சிறப்பு அலங்காரத்தில் வீரபத்திர சுவாமி பக்தர்களுக்கு அருள் பாலித்தார். இதில் சுற்று வட்டாரத்தைச் சேர்ந்த ஏராளமான பக்தர்கள் பங்கேற்றனர்.