ஈரோடு::ஈரோடு மாவட்ட அளவில், சட்ட விரோதமாக மது, தடை செய்யப்பட்ட குட்கா, புகையிலை பொருட்களை விற்ற ஐந்து பேர் கைது செய்யப்பட்டனர்.
டாஸ்மாக் கடை மூடிய நேரத்தில் மது விற்பனை செய்ததாக, பெருந்துறை ரயில்வே ஸ்டேஷன் அருகே அதே பகுதியை சேர்ந்த விக்ரம், 38, என்பவரை வெள்ளோடு போலீசார் கைது செய்தனர்.தாளவாடி சூசையபுரத்தில், கர்நாடகா மது பாட்டில்களை விற்க கடத்தி வந்த தொட்டகாஜனுார் மனோகர்லால் ஜெயின், 50, என்பவரை தாளவாடி போலீசார் கைது செய்தனர்.


ஈரோடு மேட்டூர் சாலையில் தடை செய்யப்பட்ட புகையிலை, குட்கா போன்றவற்றை விற்றதாக, ஈரோடு பெரியவலசு வெள்ளியங்கிரி, 63, என்பவரை டவுன் போலீசார் கைது செய்தனர்.நம்பியூரில் சுந்தர்ராஜ்,45, பெருந்துறையில், நிர்மலாதேவி,50, ஆகிய இருவரையும் புகையிலை பொருட்கள் விற்றதாக கைது செய்தனர்.
இவர்களிடம் இருந்து, 40 பாட்டில்கள், 1,100 கிலோ புகையிலை பொருட்களை பறிமுதல் செய்தனர்.