ஸ்ரீநகர்: காஷ்மீரில் பயங்கரவாதிகள் நடத்திய தாக்குதலுக்கு கண்டனம் தெரிவிக்கும் வகையில், காஷ்மீரில் பல இடங்களில் பேரணி ஏந்தி பேரணி நடந்தது.

காஷ்மீரின் பஹல்காமில் பயங்கரவாதிகள் நடத்திய கண்மூடித்தனமான தாக்குதலில் இரண்டு வெளிநாட்டினர் உள்ளிட்ட 28 க்கும் மேற்பட்டோர் உயிரிழந்து உள்ளனர். பலர் காயமடைந்துள்ளனர். இதற்கு ஜனாதிபதி, பிரதமர் மோடி உள்ளிட்டோர் கண்டனம் தெரிவித்து உள்ளனர். வெளிநாட்டினரும் கண்டனம் தெரிவித்துள்ளனர்.

இந்நிலையில், இச்சம்பவத்தை கண்டித்து காஷ்மீரில் பல இடங்களில் பொது மக்கள் உள்ளிட்ட பலர் மெழுகுவர்த்தி ஏந்தி பேரணி சென்றனர். ஸ்ரீநகர், தாக்குதல் நடந்த பஹல்காம், குப்வாரா உள்ளிட்ட பல இடங்களில் இந்த பேரணி நடந்தது.

இதில் கலந்து கொண்டவர்கள், பயங்கரவாத தாக்குதல் சம்பவத்தை ஏற்க முடியாது. இதற்கு கடும் கண்டனம் தெரிவித்து கொள்வதாக தெரிவித்து உள்ளனர்.