சென்னை, ரயில் பாதை மேம்பாட்டு பணி காரணமாக, காட்பாடி - ஜோலார்பேட்டை செல்லும் ரயில்கள், இன்று ரத்து செய்யப்படுகின்றன.

இது குறித்து, சென்னை ரயில்வே கோட்டம் நேற்று வெளியிட்ட அறிக்கை:

குடியாத்தம் ரயில் நிலையத்தில் ரயில் பாதை மேம்பாட்டு பணி, இன்று பகல் 12:00 முதல் மாலை 3:30 மணி வரை நடக்கிறது. இதனால், சில ரயில்களின் சேவையில் மாற்றம் செய்யப்பட்டுள்ளது.

★ காட்பாடி - ஜோலார்பேட்டை இன்று காலை 10:30 மணி ரயில் ரத்து செய்யப்படுகிறது

★ ஜோலார்பேட்டை - காட்பாடி இன்று பகல் 12:55 மணி ரயில் ரத்து செய்யப்படுகிறது

இவ்வாறு அதில் கூறப்பட்டுள்ளது.

எல்.எச்.பி., பெட்டிகள் இணைப்பு

சென்னை சென்ட்ரல் - விஜயவாடா விரைவு ரயிலில் வரும் ஜூன் 22ம் தேதி முதல் எல்.எச்.பி., பெட்டிகள் இணைத்து இயக்கப்பட உள்ளன.

இது குறித்து, தெற்கு ரயில்வே வெளியிட்ட அறிக்கை:

விரைவு ரயில்களில், பழைய பெட்டிகள் நீக்கப்பட்டு எல்.எச்.பி எனப்படும் நவீன ரயில் பெட்டிகள், இணைக்கப்பட்டு வருகின்றன.

இந்த பெட்டிகள் எளிதில் தீப்பிடிக்காது, அதிர்வுகள் இல்லாமல், பாதுகாப்பாகவும் வேகமாகவும் செல்லும் வகையில் வடிவமைக்கப்பட்டுள்ளன. ஆந்திரா மாநிலம் விஜயவாடா - சென்ட்ரல் இடையே இயக்கப்படும் விரைவு ரயில்களில் வரும் ஜூன் 22ம் தேதி முதல் எல்.எச்.பி., பெட்டிகள் இணைத்து இயக்கப்பட உள்ளது.

இவ்வாறு அதில் கூறப்பட்டுள்ளது.