புதுச்சேரி: மனைவி, பிள்ளைகள் பிரிந்த வேதனையில் கொத்தனார் துாக்கிட்டு தற்கொலை செய்து கொண்டார்.

முத்திரையர்பாளையம், காந்திதிருநல்லுார் ஓடை வீதியை சேர்ந்தவர் வேலு, 40; கொத்தனார். இவருக்கு திருமணமாகி, 3 பிள்ளைகள் உள்ளனர். வேலு குடிப்பழக்கத்திற்கு அடிமையானதால், அவரது மனைவி, பிள்ளைகள் பிரிந்து சென்று தனியாக வாழ்கின்றனர். இதனால் மனமுடைந்த வேலு அவரது வீட்டில் நேற்று முன்தினம் துாக்குப்போட்டு தற்கொலை செய்து கொண்டார்.

இதுகுறித்து மேட்டுப் பாளையம் போலீசார் வழக்குப்பதிந்து விசாரித்து வருகின்றனர்.