நத்தம்: - நத்தம்- செட்டியார்குளத்தெருவில் உள்ள வெற்றி விநாயகர் கோவில் கும்பாபிஷேக விழா நடந்தது. விழாவையொட்டி நேற்று முன்தினம் பல்வேறு புனித ஸ்தலங்களில் இருந்து தீர்த்தம் மற்றும் முளைப்பாரி கோயில் முன் அமைக்கப்பட்ட யாகசாலைக்கு கொண்டுவரப்பட்டது. தொடர்ந்து அனுக்ஞை, விக்னேஷ்வர பூஜை, மஹா பூர்ணாஹூதி தீபாராதனை, முதல் காலயாகசாலை பூஜைகள் நடந்தது.

நேற்று காலை 2ம் கால யாகசாலை பூஜைகளை தொடர்ந்து புனித தீர்த்த குடங்கள் கோபுர உச்சிக்கு எடுத்து செல்லப்பட்டு சிவாச்சாரியார்களின் வேத மந்திரங்கள் முழங்க கலசங்களில் புனித நீர் ஊற்றி கருட தரிசனத்துடன் கும்பாபிஷேகம் நடந்தது. ஏராளமான பக்தர்கள் கலந்து கொண்டனர்.