மக்களின் மனநிலையில் சமீப காலமாக நல்ல மாற்றம் தெரிகிறது... இது வரவேற்கப் படக்கூடிய ஒன்று... மக்கள் இவ்வாறே துணிந்து லஞ்ச ஒழிப்புத் துறை மூலமாக நடவடிக்கை எடுக்கச் செய்ய வேண்டும்... லஞ்சம் கொடுத்தால் தான் வேலை நடக்கும் என்ற பெரும்பாலான மக்களின் மனநிலை முதலில் மாற வேண்டும். இந்தியன் படத்தில் கவுண்டமணி செந்தில் காமெடியில் இடம்பெறுவது போல நாம் கொடுப்பதனால் தான் அவர்கள் வாங்குவதாக அவர்களும், அவர்கள் கேட்பதனால் தான் நாம் கொடுக்கிறோம் என நாமும் ஒருவரை ஒருவர் குற்றம் சுமத்திக் கொள்கிறோமேயன்றி இதற்கு நிரந்தரமாக முற்றுப்புள்ளி வைப்பதற்கு முனைய மறுக்கிறோம்... அங்கொன்றும் இங்கொன்றுமாக லஞ்சம் வாங்கும் அரசு அதிகாரிகள் பிடிபடுகிறார்கள்... அது தொடர வேண்டும்... இவ்வாறு லஞ்சம் வாங்குவோர் பெயர்கள் மீடியாக்களில் பெரிய அளவில் ஹைலைட் செய்யப் பட வேண்டும்... லஞ்சம் வாங்கினால் எங்கே தன் பெயர் கெடுவதுடன் தன் நிரந்தர வேலைக்கும் உலை வைத்து விடுவார்களோ என்ற பயம் தொற்றிக் கொள்ளுமானால் லஞ்சம் வாங்கும் பேர்வழிகள் குறைவர்... தொடரட்டும் மக்களின் துணிச்சல்...