சென்னை:அரசு போக்குவரத்து கழகங்களுக்கு வாங்கப்பட்ட, 214 புதிய பஸ்களின் சேவையை, முதல்வர் ஸ்டாலின் நேற்று கொடியசைத்து துவக்கி வைத்தார்.

சென்னை தீவுத்திடலில் நடந்த நிகழ்ச்சியில், புதிய பஸ்சில் ஏறி பார்வையிட்டார். விடியல் பயணம் திட்டத்தில் பயன் பெறும் பெண்களை, பஸ் நிறுத்தத்தில் நிறுத்தி, ஏற்றிச் செல்ல வேண்டும் என நடத்துநர், ஓட்டுநர்களிடம் அறிவுறுத்தினார்.

அரசு விரைவு போக்குவரத்து கழகம் - 27, விழுப்புரம் - 114, சேலம் - 10, கோவை - 31, மதுரை - 14, திருநெல்வேலி - 18 என, 214 புதிய பஸ்கள் நேற்று முதல் பயன்பாட்டிற்கு வந்துள்ளன.

நிகழ்ச்சியில், துணை முதல்வர் உதயநிதி, அமைச்சர்கள் சிவசங்கர், சேகர்பாபு, மகேஷ், எம்.பி.,க்கள் பாலு, ஆ.ராஜா, தயாநிதி மாறன், தலைமைச் செயலர் முருகானந்தம், போக்குவரத்துத் துறை செயலர் பணீந்திர ரெட்டி பங்கேற்றனர்.