சென்னை, தேனாம்பேட்டை மண்டலத்திற்கு உட்பட்ட, 18 வார்டுகளிலும், மழைக்கால முன்னெச்சரிக்கை நடவடிக்கையாக, வடிகால்வாய் புனரமைப்பு பணி மேற்கொள்ளப்பட்டு வருகிறது.

குறிப்பாக, தி.நகர், அபிபுல்லா சாலையில், 250 மீட்டர் நீளத்திற்கு மழைநீர் வடிகால்வாய் புனரமைப்பு பணி மேற்கொள்ளப்பட்டு வருகிறது.

இதுகுறித்து, மாநகராட்சி அதிகாரி கூறியதாவது:

தி.நகர் அபிபுல்லா சாலையில், மழைநீர் வடிகால்வாய் புனரமைப்பு பணிக்காக, 74 லட்சம் ரூபாய் நிதி ஒதுக்கப்பட்டுள்ளது.

அதில், முதற்கட்ட பணிகள் மேற்கொள்ளப்பட்டு வருகின்றன. இப்பணிகள், இம்மாதம் இறுதிக்குள் முழுமையாக நிறைவடையும்.

இவ்வாறு அவர் கூறினார்.