புக்காரெஸ்ட்: கிராண்ட் செஸ் தொடரின் 10வது சீசனின், இரண்டாவது தொடர் ருமேனியாவில் நடக்கிறது. இதன் ஐந்தாவது சுற்றில் இந்தியாவின் பிரக்ஞானந்தா, பிரான்சின் மேக்சிம் வாசியரை எதிர்கொண்டார். வெள்ளை நிற காய்களுடன் விளையாடிய பிரக்ஞானந்தா, இப்போட்டியை 45வது நகர்த்தலில் 'டிரா' செய்தார்.
மற்றொரு போட்டியில் உலக சாம்பியன், இந்தியாவின் குகேஷ், போலந்தின் ஜான் டுடா மோதினர். கருப்பு நிற காய்களுடன் விளையாடிய குகேஷ், 49வது நகர்த்தலில் போட்டியை 'டிரா' செய்தார்.
ஐந்து சுற்று முடிவில் தலா 3.0 புள்ளியுடன் அமெரிக்காவின் பேபியானா காருணா, மேக்சிம் வாசியர், பிரக்ஞானந்தா 'டாப்-3' இடத்தில் உள்ளனர். கடைசி இடத்தில் (10) குகேஷ் (2.0) உள்ளார்.