ஸ்டாவஞ்சர்: நார்வேயில் சர்வதேச செஸ் தொடர் நடக்கிறது. ஓபன் பிரிவில், நடப்பு உலக சாம்பியன் இந்தியாவின் குகேஷ், அர்ஜுன் எரிகைசி, ஐந்து முறை உலக சாம்பியன் கார்ல்சன் (நார்வே) உட்பட 6 பேர் பங்கேற்கின்றனர். முதல் சுற்றில் குகேஷ்-கார்ல்சனை சந்தித்தார். போட்டியின் 45 நகர்த்தல் வரை இருவரும் சம நிலையில் இருந்தனர். 46வது நகர்த்தலில் குகேஷ் தவறு செய்தார். முடிவில் 55வது நகர்த்தலில் குகேஷ் தோல்வியடைந்தார்.
அர்ஜுன், சீனாவின் வெய் இ மோதிய போட்டி 'டிரா' ஆனது. பின் நடந்த 'டை பிரேக்கரில்' அர்ஜுன் வெற்றி பெற்றார். முதல் சுற்று முடிவில் கார்ல்சன் (3.0), நகமுரா (3.0), அர்ஜுன் (1.5) முதல் 3 இடத்தில் உள்ளனர்.
ஹம்பி அபாரம்
பெண்களுக்கான பிரிவில் இந்தியாவின் ஹம்பி, வைஷாலி மோதினர். இதில் ஹம்பி 44வது நகர்த்தலில் தோல்வியடைந்தார். ஹம்பி (3.0), உக்ரைனின் அனா முஜிசக் (1.5), சீனாவின் டிங்ஜீ (1.5), 'டாப்-3' இடத்தில் உள்ளனர்.