புதுடில்லி: விவசாயிகளுக்கு பயனளிக்கும் வகையில், 2025 - 26 சாகுபடி ஆண்டின் காரிப் பருவ தானியங்கள் கொள்முதலுக்கான குறைந்தபட்ச ஆதரவு விலையை மத்திய அரசு உயர்த்தி உள்ளது.

பொருளாதார விவகாரங்களுக்கான மத்திய அமைச்சரவை கூட்டம், பிரதமர் மோடி தலைமையில் நேற்று நடந்தது.

இதில் எடுக்கப்பட்ட முடிவுகள்:

 நடப்பு சாகுபடி ஆண்டுக்கு, தானியங்கள், பருப்புகள் ஆகியவற்றுக்கான கொள்முதல் தொகுப்பாக 2.07 லட்சம் கோடி ரூபாய் அனுமதிக்கப்பட்டுள்ளது

 குறைந்தபட்ச ஆதரவு விலையை அதிகரிப்பதன் வாயிலாக, விவசாயிகளுக்கு உற்பத்தி செலவை விட, குறைந்தபட்சம் 50 சதவீத லாபம் கிடைக்கும்

 நெல், சோளம், பருப்புகள், எண்ணெய் வித்துகள், பருத்தி உட்பட 14 பயிர்களுக்கு குறைந்தபட்ச ஆதரவு விலை உயர்த்தப்பட்டுள்ளது

 கேழ்வரகு, பருத்தி ஆகியவற்றுக்கும் குறைந்தபட்ச ஆதரவு விலை உயர்வுக்கு ஒப்புதல்

 இந்தியா முழுதுக்குமான சராசரி சாகுபடி செலவு அடிப்படையில், 1.50 மடங்காக ஆதரவு விலை நிர்ணயம்

 காரிப் பருவம் - 14, ரபி பருவம் - 7, வணிக பயிர்கள் - 2 என, 23 பயிர்களுக்கு அரசு குறைந்தபட்ச ஆதரவு விலை நிர்ணயம் செய்யப்பட்டுள்ளது

 அரிசி, கோதுமையை, உணவு பாதுகாப்பை உறுதி செய்யும் நோக்கில், மத்திய தொகுப்புக்காக அரசு கொள்முதல் செய்யும்.