பாங்காக்: தாய்லாந்து ஓபன் குத்துச்சண்டை பைனலுக்கு இந்தியாவின் நமன் தன்வர் (90 கிலோ), அன்ஷுல் கில் (+90 கிலோ) முன்னேறினர்.

தாய்லாந்தில், சர்வதேச குத்துச்சண்டை தொடர் நடக்கிறது. ஆண்களுக்கான 90 கிலோ பிரிவு அரையிறுதியில் இந்தியாவின் நமன் தன்வர், உஸ்பெகிஸ்தானின் ஜூராபோவ் எலியோர்பெக் மோதினர். துவக்கத்தில் இருந்து ஆதிக்கம் செலுத்திய நமன் 4-1 என்ற கணக்கில் வெற்றி பெற்று பைனலுக்கு முன்னேறினார்.

பின், 90+ கிலோ பிரிவு அரையிறுதியில் இந்தியாவின் அன்ஷுல் கில், உஸ்பெகிஸ்தானின் ருஸ்டமோவ் அப்துராக்மோன் மோதினர். இதில் அசத்திய அன்ஷுல் 3-2 என 'திரில்' வெற்றி பெற்றார்.
பெண்களுக்கான அரையிறுதியில் ஏமாற்றிய இந்தியாவின் தமன்னா (51 கிலோ), லால்பாக்மாவி (80 கிலோ), பிரியா (57 கிலோ) வெண்கலம் கைப்பற்றினர்.