சென்னை:சென்னை கால்பந்து அமைப்பு சார்பில், ஆடவருக்கான முதல் டிவிஷன் கால்பந்து போட்டி, பேசின் பிரிட்ஜ் மைதானத்தில் நடக்கிறது.

அந்த வகையில், நேற்று நடந்த போட்டியில் மெட்ராஸ் போஸ்டல் அணி, சாய் அணியுடன் மோதியது.

இதில் மெட்ராஸ் போஸ்டல் அணி 4 - 2 என்ற கோல் கணக்கில், சாய் அணியை வீழ்த்தி அபார வெற்றிபெற்றது.

மெட்ராஸ் போஸ்டல் அணி சார்பில், பவளவண்ணன் ஒன்பதாவது மற்றும் 11வது நிமிடத்தில் தன் அணிக்காக இரண்டு கோல் அடித்து அசத்தினார்.

மேலும், சரவணகுமார் 37வது நிமிடம்; கிருஷ்ணகுமார் 39வது நிமிடத்தில் தலா ஒரு கோல் அடித்தனர்.

சாய் அணி சார்பில் உபேந்திரா, ஆட்டத்தின் ஐந்தாவது நிமிடத்தில் ஒரு கோல், வினோத் 60வது நிமிடத்தில் ஒரு கோல் அடித்து, தன் அணிக்கு ஆறுதல் அளித்தனர்.