திண்டுக்கல்: திண்டுக்கல் அருகே திமுக பிரமுகர் வெட்டி படுகொலை செய்யப்பட்ட வழக்கில் 7 பேருக்கு ஆயுள் தண்டனை விதிக்கப்பட்டது.

திண்டுக்கல், யாகப்பன்பட்டியை சேர்ந்த மாயாண்டிஜோசப் (60). தி.மு.க., பிரமுகர். கடந்த 2024ம் ஆண்டு மே 23-ம் தேதி இரவு மாயாண்டிஜோசப் டூவீலரில் சென்றபோது வெட்டி படுகொலை செய்யப்பட்டார். இது தொடர்பாக தாலுகா போலீசார் சிறுவர்கள் உட்பட 9 பேரை கைது செய்து சிறையில் அடைத்தனர்.


இந்நிலையில் இவ்வழக்கு முதன்மை மாவட்ட நீதிமன்றத்தில் விசாரணை நடந்து வந்தது. வழக்கை விசாரித்த மாவட்ட நீதிபதி, யாகப்பன்பட்டியை சேர்ந்த சேசுராஜ்(39), கென்னடி, டேனியல்ராஜ்(20), அலெக்ஸ்பிரிட்டோ(20), காளீஸ்வரன்(19), பிரவின்குமார்(19), ஸ்டாலின்(20) ஆகிய 7 பேருக்கு ஆயுள் தண்டனை விதித்து தீர்ப்பு வழங்கினார்.