மதுரை: மதுரை வந்துள்ள மத்திய உள்துறை அமைச்சர் அமித்ஷா மீனாட்சி அம்மன் கோவிலில் சாமி தரிசனம் செய்தார். முன்னதாக, அமித்ஷாவிற்கு, மதுரை ஆதினம் ஸ்ரீலஸ்ரீ ஹரிஹர தேசிக ஞானசம்பந்த பரமாச்சாரிய சுவாமிகள், சால்வை அணிவித்து வரவேற்பு அளித்தார்.


மதுரை ஒத்தக்கடை பகுதியில் இன்று (ஜுன் 8) நடக்கும் பா.ஜ., நிர்வாகிகள் கூட்டத்தில் பங்கேற்க மத்திய உள்துறை அமைச்சர் அமித்ஷா வந்துள்ளார். மீனாட்சி அம்மன் கோவிலுக்கு வந்த அமித்ஷாவிற்கு, மதுரை ஆதினம் ஸ்ரீலஸ்ரீ ஹரிஹர தேசிக ஞானசம்பந்த பரமாச்சாரிய சுவாமிகள், சால்வை அணிவித்து வரவேற்பு அளித்தார்.

ஆதினம் வெளியிடும் 'தமிழாகரன்' இதழையும், திருஞானசம்பந்தரின் புத்தகத்தையும் அவருக்கு ஆதினம் வழங்கினார். மீனாட்சி அம்மன் கோவில் நிர்வாகம் சார்பில் அமித்ஷாவுக்கு மாலை அணிவித்து மரியாதை செய்யப்பட்டது.