ஜெருசலேம்: நாங்கள் வெற்றிப் பாதையில் இருக்கிறோம், இது அடையப்பட்டு வருகிறது என இஸ்ரேல் பிரதமர் பெஞ்சமின் நெதன்யாகு தெரிவித்தார்.

இது தொடர்பாக செய்தி சேனலுக்கு பெஞ்சமின் நெதன்யாகு அளித்த பேட்டி: ஈரான் அணுசக்தி மற்றும் பாலிஸ்டிக் ஏவுகணை அச்சுறுத்தல்களை அழிக்கும் இலக்குகளை அடைவதற்கான பாதையில் இஸ்ரேல் செயல்பட்டு வருகிறது. ஈரானில் இருந்து இரவு நேரத்தில் ஏவப்பட்ட 120க்கும் மேற்பட்ட ஏவுகணைகளை இஸ்ரேல் ராணுவம் அழித்தது. விமானப்படை தெஹ்ரானின் வான்வெளியைக் கட்டுப்படுத்துகிறது.



நாங்கள் வெற்றிப் பாதையில் இருக்கிறோம், இது அடையப்பட்டு வருகிறது. எங்கள் வீரமிக்க விமானிகள் மற்றும் எங்கள் அற்புதமான தரைப்படை குழுவினருக்கு நன்றி, அவர்களும் அற்புதமான பணிகளைச் செய்கிறார்கள். இஸ்ரேல் பொதுமக்களை தாக்கும் ஈரானைப் போலல்லாமல், இஸ்ரேல் ஈரான் ஆட்சியின் இலக்குகளை மட்டுமே தாக்குகிறது.


தெஹ்ரான் மீது வானத்தை நாம் கட்டுப்படுத்தும்போது, ​​நமது குடிமக்களை குறி வைத்து குழந்தைகள் மற்றும் பெண்களை ஈரான் கொல்ல முயற்சிக்கிறது. ஈரானின் உச்ச தலைவர் அயதுல்லா காமெனியைக் கொல்வது இரு நாடுகளுக்கும் இடையிலான மோதலை முடிவுக்குக் கொண்டு வரும். இஸ்ரேலின் தொடர்ச்சியான ராணுவ நடவடிக்கைகள் மோதலை அதிகரிப்பதற்குப் பதிலாக, முடிவுக்குக் கொண்டு வருவதை நோக்கமாகக் கொண்டுள்ளது. இவ்வாறு அவர் கூறினார்.

@block_P@

1989ல் ஆயத்துல்லா ருஹோல்லா காமேனி இறந்ததிலிருந்து ஈரானின் உச்ச தலைவரான ஆயத்துல்லா கமேனி, தடைகளை எதிர்கொண்டு ஆட்சி செய்து வருகிறார். இவரது ஆட்சி காலத்தில் சர்வதேச பதட்டங்கள் தொடர்ந்து நிலவுகின்றன.block_P