சியாட்டில்: கிளப் உலக கோப்பை கால்பந்து லீக் போட்டியில் இன்டர் மிலன் அணி முதல் வெற்றி பெற்றது.

அமெரிக்காவில், உலகின் முன்னணி கால்பந்து கிளப் அணிகள் பங்கேற்கும் 'பிபா' உலக கோப்பை 21வது சீசன் நடக்கிறது. மொத்தம் 32 அணிகள், 8 பிரிவுகளாக லீக் சுற்றில் விளையாடுகின்றன.

சியாட்டில் நகரில் நடந்த 'இ' பிரிவு லீக் போட்டியில் இன்டர் மிலன் (இத்தாலி), உராவா ரெட் டைமண்ட்ஸ் (ஜப்பான்) அணிகள் மோதின. இதில் இன்டர் மிலன் அணி 2-1 என்ற கணக்கில், இத்தொடரில் முதல் வெற்றியை பதிவு செய்தது. இன்டர் மிலன் சார்பில் ஜேவியர் மார்டினெஸ் (78வது நிமிடம்), கார்போனி (90+2வது) தலா ஒரு கோல் அடித்தனர். உராவா அணிக்கு ரியோமா (11வது நிமிடம்) ஆறுதல் தந்தார்.

ரிவர் பிளேட் (அர்ஜென்டினா), மான்டேரி (மெக்சிகோ) அணிகள் மோதிய மற்றொரு 'இ' பிரிவு லீக் போட்டி கோல் எதுவுமின்றி 'டிரா' ஆனது.
டார்ட்மண்ட் வெற்றி: சின்சினாட்டியில் நடந்த 'எப்' பிரிவு லீக் போட்டியில் மாமெலோடி சன்டவுன்ஸ் (தென் ஆப்ரிக்கா), போருசியா டார்ட்மண்ட் (ஜெர்மனி) அணிகள் மோதின. இதில் டார்ட்மண்ட் அணி 3-2 என்ற கணக்கில் 'திரில்' வெற்றி பெற்றது.


மற்றொரு 'எப்' பிரிவு லீக் போட்டியில் புளுமினென்ஸ் (பிரேசில்) அணி 4-2 என உல்சன் அணியை (தென் கொரியா) வீழ்த்தியது.