மதுரை:மதுரை ரயில்வே கோட்ட வணிகத்துறை சார்பில், ராமேஸ்வரம் ஸ்டேஷனில் ரயில் மற்றும்சுற்றுலா பயணிகள் குறைந்த செலவில் பாதுகாப்புடன் வசதியாக தங்குவதற்கு, ரயில் பெட்டியைதங்கும் விடுதியாக மாற்றும் திட்டத்திற்கு ஏலம் நடக்க உள்ளது.

இத்திட்டத்திற்காக ரயில்வே நிர்வாகம், போக்குவரத்திற்கு பயன்படாத 5 ரயில் பெட்டிகளை வழங்குகிறது. ஒப்பந்ததாரர், அதன் உட்புறத்தில் உரிய மாற்றங்கள் செய்து, புதுப்பித்து பயணிகள் தங்குமிடங்களாக மாற்ற வேண்டும்.

ஒப்பந்த காலம் 5 ஆண்டுகள். தங்குமிடத்திற்கான கட்டணம் சந்தை மாற்றத்திற்கு உட்பட்டது. ஜூலை 15 மதியம் 12:00 மணிக்கு ஏலம் நடைபெறும். விபரங்களுக்கு www.ireps.gov.in தளம் அல்லது 90038 62967ல் விருப்பமுள்ளவர்கள் தொடர்பு கொள்ளலாம்.