விழுப்புரம்: பாராமரிப்பு பணி காரணமாக, விழுப்புரம் வழியாக செல்லும் ரயில்களின் சேவையில் மாற்றம் செய்யப்பட்டுள்ளது.

திருச்சி கோட்ட ரயில்வே மக்கள் தொடர்பு அலுவலகம் செய்திக்குறிப்பு :

பராமரிப்பு பணி காரணமாக, சென்னை தாம்பரத்தில் இருந்து காலை 9:45 மணிக்கு புறப்படும் தாம்பரம், விழுப்புரம் பயணிகள் ரயில் (வண்டி எண் 66045) வரும் 19, 22ம் தேதிகளில் முண்டியம்பாக்கத்தோடு நிறுத்தப்படும்.

விழுப்புரத்தில் இருந்து சென்னைக்கு மதியம் 1:40 மணிக்கு புறப்பட வேண்டிய பயணிகள் ரயில் (வண்டி எண் 66046) வரும் 19, 22ம் தேதிகளில் முண்டியம்பாக்கம் ரயில் நிலையத்தில் இருந்து மதியம் 1:55 மணிக்கு புறப்படும்.

விழுப்புரம் ரயில் நிலையத்தில் இருந்து மதியம் 2:35 மணிக்கு புறப்பட வேண்டிய விழுப்புரம் - மயிலாடுதுறை பயணிகள் ரயில் (வண்டி எண் 66063), புதுச்சேரி ரயில் நிலையத்தில் இருந்து காலை 8:05 மணிக்கு புறப்படுகிறது.

புதுச்சேரி - விழுப்புரம் பயணிகள் ரயில் (வண்டி எண் 66064) உள்ளிட்ட ரயில்கள் இன்று முதல் வரும் 22ம் தேதி வரை முழுமையாக ரத்து செய்யப்பட்டுள்ளன.

இவ்வாறு அதில் தெரிவிக்கப்பட்டுள்ளது.