ஜெசியான்: ஆசிய ரோலர் ஸ்கேட்டிங் சாம்பியன்ஷிப்பில் தங்கம் வென்ற முதல் இந்தியர் என வரலாறு படைத்தார் ஷ்ரேயாசி.
தென் கொரியாவில் 20வது ஆசிய ரோலர் ஸ்கேட்டிங் சாம்பியன்ஷிப் தொடர் நடக்கிறது. முதல் நாளில் சீனியர் பெண்களுக்கான 'பிரீஸ்டைல் கிளாசிக்' ஸ்லலோம் பிரிவில் போட்டி நடந்தது. இந்தியா சார்பில் ஷ்ரேயாசி ஜோஷி களமிறங்கினார்.
தேசிய சாம்பியன்ஷிப்பில் 10 முறை கோப்பை வென்றதால், இவர் மீது எதிர்பார்ப்பு அதிகரித்தது. இதற்கேற்ப சிறப்பாக செயல்பட்ட ஷ்ரேயாசி, அனைத்து பிரிவிலும் முதலிடம் பிடித்து, 83.33 புள்ளி எடுத்து தங்கம் கைப்பற்றினார். இத்தொடரில் தங்கம் வென்ற முதல் இந்தியர் என புதிய வரலாறு படைத்தார்.
மகாராஷ்டிராவின் புனேயை சேர்ந்தவர் ஷ்ரேயாசி 21. 3 வயதில் ஸ்கேட்டிங் விளையாடத் துவங்கினார். இவரது சகோதரி ஸ்வராலியும் தேசிய சாம்பியன்ஷிப்பில் 9 முறை சாம்பியனாகி உள்ளார்.
தனுஷ் 'வெள்ளி'
ஆண்களுக்கான சீனியர் 200 மீ., டியூவல் டைம் டிரையல் பிரிவில் இந்தியாவின் தனுஷ் பாபு, 17.592 புள்ளி எடுத்து வெள்ளிப்பதக்கம் கைப்பற்றினார். மற்றொரு இந்திய வீரர் ஆர்யன் பால் சிங் (17.731) 5வது இடம் பிடித்தார்.