திருப்பூர்; மாநில இளைஞர் நலன் மற்றும் விளையாட்டுத்துறை, தமிழ்நாடு என்.எஸ்.எஸ்., திட்டம் சார்பில், நாகர்கோவில் எஸ்.டி., ஹிந்து கல்லுாரியில், வரும், 28 முதல், 30ம் தேதி வரை, 3 நாட்களுக்கு 'பேரிடர் மேலாண்மை மற்றும் முதலுதவி' என்ற தலைப்பில் பயிலரங்கம் நடைபெறுகிறது. இதில், திருப்பூர் சிக்கண்ணா அரசு கலைக்கல்லுாரி என்.எஸ்.எஸ்., அலகு - 2 திட்டத்தில் இணைந்துள்ள வேதியியல் துறை மாணவர் பூபதி ஆகாஷ், வரலாற்றுத்துறை மாணவர் தாமஸ் டேனியல் ஆகியோர் தேர்வு செய்யப்பட்டுள்ளனர். இவர்களை, கல்லுாரி முதல்வர் கிருஷ்ணன், என்.எஸ்.எஸ்., ஒருங்கிணைப்பாளர் அண்ணாதுரை, அலகு- 2 அலுவலர் மோகன்குமார், பேராசிரியர்கள், வாழ்த்தி வழியனுப்பினர்.