தர்மபுரி:தர்மபுரி டவுன் பஸ் ஸ்டாண்டில் செயல்படும் பூ மார்க்கெட்டில் விற்பனை செய்யப்படும் பூக்கள் தர்மபுரி, ஓசூர், கிருஷ்ணகிரி, ஈரோடு, திருச்செங்கோடு, கும்பகோணம் உள்ளிட்ட பகுதிகளுக்கும் பெங்களூரு, கேரளா, ஆந்திரா, உள்ளிட்ட அண்டை மாநிலங்களுக்கும் வியாபாரிகள் வாங்கி செல்கின்றனர். இன்று, ஆயுத பூஜை மற்றும் சரஸ்வதி பூஜை, நாளை விஜய தசமியை முன்னிட்டு, தர்மபுரி பூ மார்க்கெட்டில் பூக்கள் விற்பனை அதிகரித்து காணப்பட்டது.

நேற்று முன்தினம், ஒரு கிலோ குண்டுமல்லி, 500, கனகாம்பரம், 500, சன்னமல்லி, 550, ஜாதிமல்லி, 300, காக்கடான், 500, பன்னீர் ரோஸ், 150, பட்டன்ரோஸ், 300, சம்பங்கி, 150, சாமந்தி, 80, செண்டுமல்லி, 20 ரூபாய் என விற்பனையானது. நேற்று விலை உயர்ந்து, குண்டுமல்லி, 550, கனகாம்பரம், 500, சன்னமல்லி, 600, ஜாதிமல்லி, 360, காக்கடான், 500, பன்னீர்ரோஸ், 250, பட்டன்ரோஸ், 300, சம்பங்கி, 160, சாமந்தி, 40 முதல், 200 ரூபாய், செண்டுமல்லி, 40 ரூபாய் என, 25 டன் பூக்கள் விற்பனையானதாக வியாபாரிகள் தெரிவித்தனர்.