நமது நிருபர்

பிரபல ஹாலிவுட் நடிகை கேத்தரின் ஓஹாரா உடல் நலக்குறைவு காரணமாக ஜனவரி 30ம் தேதி காலமானார். அவருக்கு வயது 71.

அமெரிக்​கா​வின் லாஸ் ஏஞ்​சல்ஸ் மாகாணத்​தில், பிரபல ஹாலிவுட் நடிகை கேத்தரின் ஓஹாரா கணவர் போ வெல்ச், மகன்​கள் மேத்யூ வெல்ச் (32), லூக் வெல்ச் (28) ஆகியோ​ருடன் வசித்து வந்தார். இவருக்கு திடீரென உடல் நலக்குறைவு ஏற்பட்டது. பின்னர் அவர் மருத்துவமனையில் அனுமதிக்கப்பட்டார். அங்கே டாக்டர்கள் தீவிர சிகிச்சை அளித்தும் பலன் அளிக்காமல், கடந்த ஜனவரி 30ம் தேதி உயிரிழந்தார்.

இவரது மறைவுக்கு பல்வேறு தரப்பினர் இரங்கல் தெரிவித்தனர். ஆஃப்​டர் ஹவர்ஸ் (1985), ஹார்ட் பர்ன் (1986), பீட்​டில்​ஜூஸ் (1988), ஹோம் அலோன் (1990), ஹோம் அலோன் 2 (1992), வெயிட்​டிங் பார் கஃப்​மன் (1996) உள்பட பல படங்​களில் கேத்தரின் ஓஹாரா நடித்துள்ளார்.

அம்மா கதாபாத்திரம்

இவருக்கு தனி ரசிகர் பட்டாளமே இருக்கிறது. ஹோம் அலோன்' படத்​தில் இவர் நடித்த அம்மா கதா​பாத்​திரம் பல்வேறு தரப்பினர் மத்தியில் மிகுந்த பாராட்ட பெற்றது. இந்த கதாபாத்திரம் தான் இவரது செல்வாக்கு உயர முக்கியமாக அமைந்தது. இவர் நடிகை மட்டுமல்ல, நகைச்சுவை எழுத்தாளரும் ஆவார். புகழ்பெற்ற பிரைம் டைம் எம்மி மற்றும் கோல்டன் விருதுகளை வென்றுள்ளார்.