விருத்தாசலம்: அரசு கல்லுாரி முதுகலை மாணவர்கள் இலவச லேப்டாப் வழங்க கோரி, போராட்டத்தில் ஈடுபட்டனர்.

தமிழகத்தில் உள்ள அரசு கல்லுாரிகளில் படிக்கும் இளங்கலை மாணவர்களுக்கு, தமிழக அரசு சார்பில் இலவச லேப்டாப் வழங்கப்படுகிறது. இந்நிலையில், விருத்தாசலம் கொளஞ்சியப்பர் அரசு கலை கல்லுாரியில், முதுகலை படிக்கும் மாணவர்கள், தங்களுக்கும் இலவச லேப்டாப் வழங்க வேண்டும் என கூறி, நேற்று காலை 11:00 மணியளவில் கல்லுாரி வளாகத்தில் அமர்ந்து போராட்டத்தில் ஈடுபட்டனர்.

அப்போது, பள்ளி, இளங்கலை படிக்கும் போது தங்களுக்கு இலவச லேப்டாப் அரசு வழங்கவில்லை.

அதனால், தங்களுக்கும் லேப்டாப் வழங்க வேண்டும் என கூறி, போராட்டத்தில் ஈடுபட்டனர். பேச்சுவார்த்தைக்கு யாரும் வராததால், காலை 11:30 மணிக்கு மாணவர்களாகவே கலைந்து சென்றனர்.