சென்னை: ஹிந்து மத வழிபாடு மற்றும் சடங்கு சம்பிரதாயங்களை கேலி, கிண்டல் செய்த, சேலம் திமுக எம்பி செல்வகணபதியின் பேச்சுக்கு கடும் எதிர்ப்பு கிளம்பியுள்ளது. பல்வேறு தரப்பினரும் கண்டனம் தெரிவித்து வருகின்றனர்.

அண்மையில் சேலத்தில் நடந்த நிகழ்ச்சியில் திமுக எம்பி செல்வகணபதி ஹிந்து மத வழிபாட்டு முறையை இழிவுபடுத்தும் வகையில் பேசினார். கோவில்களில் கடவுளுக்கு வழிபாடு நடத்தப்படும் போது மேற்கொள்ளப்படும் சடங்கு சம்பிரதாயங்களை கிண்டல் செய்வது போல பேசிய அவர், 'நான் சொன்னது எனக்கும் புரியாது, உனக்கும் புரியாது,' என்று கேலி செய்தார். கோடிக்கணக்கான பேர் புனிதமாக கருதும் வழிபாட்டு மந்திரங்களை இழிவு படுத்துவது போலவும் பேசினார்.