மும்பை: மஹாரஷ்டிரா வந்த ராகுலுக்கு எதிராக, பாஜ., சிவசேனா(ஏக்நாத் ஷிண்டே பிரிவு) தொண்டர்கள் இன்று(பிப்ரவரி 21) கருப்புக்கொடி காட்டி போராட்டம் நடத்தினர்.

டில்லியில் நடைபெற்ற இந்தியா ஏஐ தாக்க உச்சி மாநாட்டில் , இந்திய இளைஞர் காங்கிரஸ் தொண்டர்கள் மேலாடையின்றி போராட்டம் நடத்தினர். இதற்கு பதிலடி தரும்வகையில் ராகுல் வருகையின் போது இந்தப் போராட்டம் நடத்தப்பட்டது.
காங்கிரஸ் தலைவர் ராகுல் ஆர்.எஸ்.எஸ் தொடர்ந்த அவதூறு வழக்கில், புதிய பிணைதாரராக மகாராஷ்டிர காங்கிரஸ் தலைவர் ஹர்ஷ்வர்தன் சப்காலை நீதிமன்றத்தில் முன்னிலைப்படுத்த பிவண்டி வரும் நிலையில், இன்று மும்பை விமான நிலையத்திலிருந்து தானே மாவட்டம் பிவண்டி நீதிமன்றத்திற்கு காரில் சென்று கொண்டிருந்தபோது, முலுண்ட் டோல் பிளாசா மற்றும் ஆனந்த் நகர் செக் போஸ்ட் ஆகிய இடங்களில் பாஜமற்றும் சிவசேனா தொண்டர்கள் திரண்டு அவருக்குக் கருப்புக் கொடி காட்டிப் போராட்டம் நடத்தினர்.
பாஜவின் இந்தப் போராட்டம், தேசியப் பிரச்சினைகளிலிருந்து மக்களின் கவனத்தைத் திசைதிருப்பும் முயற்சி என காங்கிரஸ் விமர்சித்துள்ளது.