சென்னை: மாநில தகவல் ஆணையத்திற்கு கூடுதலாக இரண்டு தகவல் ஆணையர்களை, அரசு நியமனம் செய்துள்ளது.

மாநில தகவல் ஆணையத்தில், தலைமை தகவல் ஆணையர் உள்ளிட்ட, ஆறு ஆணையர் பதவிகள் உள்ளன. புதிதாக இரண்டு தகவல் ஆணையர் பதவிகளை, அரசு உருவாக்கியுள்ளது.

இந்த பதவிக்கு ஓய்வுபெற்ற ஐ.ஏ.எஸ்., அதிகாரி அதுல்ய மிஸ்ரா, ஓய்வுபெற்ற ஐ.பி.எஸ்., அதிகாரி அபய்குமார் சிங், ஆகியோர் நியமனம் செய்யப்பட்டு உள்ளனர்.

இவர்கள் மூன்று ஆண்டுகள் வரை, இப்பதவியில் இருப்பர். கவர்னர் ரவி பரிந்துரைப்படி, இந்த உத்தரவை, மனிதவள மேலாண்மை துறை செயலர் சமயமூர்த்தி பிறப்பித்துள்ளார்.