பழநி:பழநி முருகன் கோயில் நிர்வாகத்தின் கீழ் செயல்படும் லட்சுமி நாராயண பெருமாள் கோயிலில் சித்திரை திருவிழா ஏப்.22ல் துவங்க உள்ளது.

பழநி மேற்கு ரத வீதியில் உள்ள இக்கோயில் சித்திரை திருவிழா ஏப்.,22ல் கொடியேற்றத்துடன் துவங்குகிறது. ஏழாம் நாள் திருவிழாவான ஏப்.28 இரவு 7:29 மணிக்கு திருக்கல்யாணம்,ஒன்பதாம் நாள் விழாவான ஏப்.30 காலை 8:31 மணிக்கு திருத்தேரோட்டம் நடக்க மே 1 இரவு கொடி இறக்குதலுடன் திருவிழா நிறைவுபெறுகிறது.

மேலும் பெரியநாயகி அம்மன் கோயிலில் ஏப்.30 ல் முத்துக்குமாரசுவாமி தங்க குதிரை வாகனம், வள்ளி, தெய்வானை சப்பரத்தில் எழுந்தருள மே 1 சித்ரா பவுர்ணமி அன்று காலை 8:00 மணிக்கு பெரிய நாயகி அம்மன் கோயிலில் இருந்து 108 பால் குடங்கள் திருஆவினன்குடி கோயிலுக்கு ஊர்வலமாக எடுத்து வருதல் நடக்கிறது. அதன் பின் திரு ஆவினன்குடி கோயிலில் குழந்தை வேலாயுத சுவாமிக்கு அபிஷேகம் , இரவு 8:00 மணிக்கு முத்துக்குமாரசுவாமி,வள்ளி தெய்வானை, வெள்ளி ரதத்தில் எழுந்தருள ரத வீதிகளில் புறப்பாடு நடைபெறுகிறது .