அரியாங்குப்பம்: மணவெளி தொகுதி ஓட்டுச்சாவடியில் இயந்திர கோளாறு ஏற்பட்டதால் 45 நிமிடங்கள் ஓட்டு பதிவு நிறுத்தி வைக்கப்பட்டது.

மணவெளி தொகுதியில் மொத்தம் 37 ஓட்டுச்சாவடிகள் உள்ளன. மணவெளி தந்தை பெரியார் மேல்நிலைப்பள்ளியில் அமைக்கப்பட்டிருந்த 4, 5, 7 ஆகிய மூன்று ஓட்டுச்சாவடிகளில் நேற்று காலை 7:00 மணிக்கு ஓட்டுப்பதிவு துவங்கியது. ஓட்டு பதிவு நடந்த 10 நிமிடத்தில் 4வது ஓட்டுச்சாவடியில் இருந்த இயந்திரம் தொழிற்நுட்ப காரணமாக திடீரென கோளாறு ஏற்பட்டது.

உடனடியாக அந்த இயந்திரம் சரி செய்யப்பட்டது. அதையடுத்து, 45 நிமிடம் ஓட்டு பதிவு நிறுத்தி வைக்கப்பட்டு, பின்னர் துவங்கியது.